100 lagun inguru elkartu ginen ASTRA Gernikan, Ipes elkarteak antolaturiko “pentsamendu bakarraren aurrean, prentsa askatasuna”solasaldian. Bertan Oihana Goiriena , Oihana Cabello (aurkezlea) eta Ramon Zallo izan ziren hizlari, eta Pablo Gonzalezen kasua izan genuen ardatz.
#PabloAskatu #Ipes #EzUtziGaldetzeari
Atzo urte bat bete zuen Pablo Gonzalezek Polonian preso. Bere senidea den Oihana Goiriena izan genuen geure artean ASTRA Gernikan. Pabloren kazetaritza soslaia, gatazka guneetan prentsaren papera, espazio post-sobietarrean aditua izandakoa eta gatazka bateko alde guztietakoei ahotsa ematearen beharraz gogoetatu genuen.
Ramon Zallo, ekonomialaria, eta informazio zientziatan katedradunak parte-hartu zuen solasaldian, ASTRA Gernikan.Kazetaritzaren papera gatazka guneetan izan beharko lukeen egitekoaz gogoetatu zuen, eta hausnarketa interesgarriak utzi zizkigun.
Oso interesgarria izan da Ipes elkarteak antolatu duen mahai-ingurua ASTRA Gernikan. Interesa piztu bai, baina batez ere injustizia baten aurrean aurkitzen garelako. Nabarnizeko herritarrak ere, iniziatiba berri bat abiatu dute, bere berri eman genuen gure solasaldian, eta bat egin genuen berarekin, bide batez:
Oizmendi TB eskualdeko telebistak ekimena jaso du bere kronikan, eta hemen dago ikusgai:
Busturialdeko Hitzak ere jaso du ere:
Azken gogoeta bezala, Oihana Goirienaren testigantza biltzen duen lekukotasuna: Pablo Askatu!
